أسمحيلى ارد عليكى وباللغة العامية علشان اقدر اوصل لك مشاعرى بالشكل الصحيح
أة من حق البنت ذات الأحتياجات الخاصة أنها تتجوز لكن المشكلة مش فى البنت المشكلة فى الأهل والاقارب والعيلة والمجتمع اللى بيطلب من البنت بكل سهولة أنها تتخلى عن دورها الأساسى اللى ربنا حددهولها وهو أنها تكون أم وزوجة
لا وبيطلبوا منها كمان انها تكون من غير قلب ولا أحلام دة لمجرد أن ربنا أصطفاها وأختبارها فى صحتها
عزيزتى الرضا بالمكتوب
صدقينى العيب من المجتمع نفسة مش مننا هما اللى بيدوسوا علينا بيعتبروا أن دة نقص فينا مع أنة بيدلنا قوة وعزيمة واصرار على التحدى وتكملة الحياة ولو الواحدة فتحت بوقها يتقالها منتهى البساطة اصل انتى عندك ظروف
مش فاهمة اية هى كلمة ظروف تحت أى مسمى ممكن تتعرف أى أنسان فى الدنيا ممكن يبقى فى لحظة من ذوى الاحتياجات الخاصة مع أنى شايفة أن البنت ذات الاحتياجات الخاصة بيكون ربنا مميزات مخصوصة منها الصبر والرضا بالقليل
عزيزتى
ربنا ما بيضيعش حد احلمى وادعى وربنا عمرة ما هيخزلك أن شاء الله
ونصيحتى ليكى أنك تبدأى بالتردد على جمعية أو مكان يبقى فية ناس من نفس ظروفك لان التكافوء فى النقطة دى مهم جدا
والسلام ختام